|
गोरखा, ८ बैशाख । गुडिरेहको बसमा ढुंगामुढा प्रहार भएपछि गोरखा बजार बन्द भएको छ । झण्डै ३२ जना यात्रु लिएर बुधबार बिहान आरूघाटबाट गोरखा सदरमुकाम आउँदै गरेको आरुघाट यातायात प्रालिको ५ ख ७२११ नम्बरको गाडीमा ढुंगामुढा र घरेलु हतियारले आक्रमण पछि बजार बन्द गरिएको हो ।
आफ्नो सिन्डिकेट तोड्दै गाडी चलाएको आरोपमा यातायात व्यवसायी समिति गोरखाका पदाधिकारीले बसमा ढुंगामुढा गरेका हुन् । आक्रमणबाट करिब आधा दर्जन यात्रु घाइते भएका छन् । प्रहरीले बसमा तोडफोड गर्ने केहीलाई पक्राउ गरेको छ ।
|
|