जिप दुर्घटनामा परी दुई जनाको घटनास्थलमै मृत्यु, नौ घाइते - See more at:

प्यूठान, मच्छीमा भएको आज अपराह्न भएको जिप दुर्घटनामा परी दुई जनाको मृत्यु भएको छ । बागदुलाबाट खुङ जाँदै गरेको जिप ओखरकोट–६ लामासेरामा दुर्घटना हुँदा घटनास्थलमै दुई जनाको मृत्यु भएको प्रहरी नायब उपरीक्षक रञ्जीतसिंह राठोरले जानकारी दिनुभयो । मृत्यु हुनेमा खुङ–७ का ४५ वर्षीय जनक जिसी र ४६ वर्षीय जगत जिसी रहेको प्रजिअ रामबहादुर कुरुङवाङले जानकारी दिनुभयो ।
दुर्घटनामा परी नौ जना घाइते भएको र उनीहरुलाई उपचारका लागि जिल्ला अस्पताल पठाइएको स्थानीय शिक्षक नारायण जिसीले बताउनुभयो ।
चालकको अनुभवको कमी र दुर्घटनास्थल उकालो भएकाले दुर्घटना भएको अनुमान गरिएको छ । रासस - 

SHARE THIS